厝邊 ê 大質量捲螺仔星系 NGC 2841 ft. 阿錕 (20210124)

厝邊 ê 大質量捲螺仔星系 NGC 2841 <br /> <br />NGC 2841 是一个咱熟似 ê 大質量星系。伊是一个佇北爿 ê 大熊座內底，干焦 4600 萬光年遠 ê 捲螺仔星系。這个遮爾清楚 koh 美麗 ê 宇宙島，有一个足明顯 ê 黃色星系核 kah 星系盤。佇一節一節、絞 ân ê 捲螺仔手骨內底，有塗粉帶、有粉紅仔斑 ê 恆星形成區、閣有少年 ê 藍色星團。毋閣，大部份 ê 捲螺仔星系 sī 有較分明 ê 手骨 kah 較大 ê 恆星形成區。NGC 2841 ê 直徑超過 15 萬 光年闊，比咱 ê 銀河閣較大。這張組合影像是 kā 2.4 公尺闊 ê 踅地衛星哈伯太空望遠鏡 kah 8.2 公尺闊 ê 地面望遠鏡 Subaru 望遠鏡，合併感光而成 ê。Ùi X 光 ê 影像推測，恆星風 kah 恆星爆炸產生噴懸 ê 高溫氣體，湠到 NGC 2841 ê 銀暈。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：NASA, ESA, Hubble, Subaru <br />製作 & 版權：Roberto Colombari <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) https://apod.tw/daily/20210114/ <br />原文：https://apod.nasa.gov/apod/ap210114.html <br /> <br/>Powered by <a href="https://firstory.me">Firstory Hosting</a>