903. Akatsuki 號太空船 翕--ê 金星 ê 紫外光影像 ft. 阿錕 (20230703)

<p>是按怎金星 kah 地球遮爾無仝？為著欲揣出這个答案，日本 進前發射 ê 機器人太空船 Akatsuki 號 tī 2015 年底 飛入去金星軌道。伊進前有 5 年 ê 時間是無照計畫 tī 內太陽系 內底賴賴趖。就算 Akatsuki ê 性命長度已經超過本底 ê 計畫，毋過因為太空船 kah 儀器攏運作甲好勢好勢，所以大部份 ê 任務總算是 有繼續完成。Akatsuki ê 儀器嘛叫做 金星 氣候軌道衛星，是 leh 調查咱 ê 姊妹仔行星 金星 頂懸 一寡咱猶無了解 ê 代誌，包括火山是毋是猶活跳跳、實密 ê 大氣內底是毋是會產生爍爁、風速是按怎會超過火星自轉 ê 速度 遐爾濟。這張影像 是 Akatsuki ê UVI kha-mé-lah 翕--ê。咱看會著日時彼爿 ê 金星 有 行星尺度 ê V-形雲。影像內底有三款無仝色 ê 紫外光，閣有淺藍色 ê 二酸化硫，伊 ê 量是有變較少。分析 Akatsuki ê 影像 kah 資料了後，除了 一寡發現以外，閣知影講金星有親像 地球高速氣流 仝款 ê 赤道噴流。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230703/ <br />影像：JAXA, Planet-C Project Team; h/t: Mehmet Hakan Özsaraç <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230703.html</p> <br /> <br/>Powered by <a href="https://firstory.me">Firstory Hosting</a>