854. 太陽烏子 kah 光橋 ft. 阿錕 (20230517)

<p>是按怎太陽表面有一葩較烏？這張是 太陽烏子 ê 特寫相片，是太陽表面 naih--lòe ê 部份，伊 ê 溫度較低、kah 太陽表面其他所在比起來較無遐爾光。太陽複雜 ê 磁場 會製造這寡低溫區，是因為這搭阻止了高溫物質走入來烏子內底。太陽烏子 有可能比地球閣較大，一般講來是會活一禮拜左右。活跳區 AR 3297 有一部份會 tī 5 月初 ê 時陣出現 tī 太陽 表面。較倚下面彼个大型 ê 太陽烏子頂懸有一條足明顯 ê 光橋，是浮 tī 頂懸 ê 高溫氣體組成--ê。Tī 這張懸解析度相片內底，咱嘛會當清楚看著 太陽表面 規片 ê 氣泡，面頂攏是一包一包獨立 ê 高溫氣體包。這款氣體包咱 kā 叫做 米粒組織。太陽米粒組織 ê 大細差不多有 1000 公里大，毋過干焦會 擋 15 分鐘久爾爾。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230517/ <br />影像：Mark Johnston <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230517.html</p> <br /> <br/>Powered by <a href="https://firstory.me">Firstory Hosting</a>