774. 希臘廟寺 kah 遠方 ê 月眉 ft. 阿錕 (20230228)

<p>是按怎咱看著 ê 薄月眉，干焦會出現 tī 地平線附近？因為 幾何 上，會出現這款薄月眉 ê 月相，是愛 月娘 tī 太空中行到倚 日頭 ê 方向才有可能。月眉這个月相，毋是因為伊去予 地球烏影 閘著矣。咱看著遮爾少 ê 部份，是因為干焦這面去予日光照著。而且，月眉&nbsp;上厚 ê 部份總是出現 tī 日頭 ê 方向。暗頭仔彼陣，薄月眉 會 tī 日頭落山了後隨綴伊落去，紲落來規暝攏看袂著伊。雖罔講規暝攏無看著月娘，毋過 tī 透早時，月眉會 tī 日頭 peh--起來進前先 peh--起來。這張相片是兩禮拜前，tī 日出進前，月眉出現 tī 地平線附近 翕著--ê。月娘就 tī 希臘 古老 ê Poseidon 廟寺 遺蹟 ê 遠方。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230228/ <br />影像：Elias Chasiotis <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230228.html</p> <br /> <br/>Powered by <a href="https://firstory.me">Firstory Hosting</a>