227. EHT 解析半人馬座 A 烏洞 ê 中央噴流影像 ft. 蔡老師 (20210804)

<p>超大質量烏洞是按怎產生能量足強 ê 噴流？為著欲揣著這个答案，事件視界望遠鏡 (EHT) kā 厝邊 活跳星系，半人馬座 A，ê 中央區顯像出來。這規組一格一格 <br />ê 主題插圖 攏是 半人馬座 A。Ùi 上大尺度（幾若个月球闊 ê 天區）到這馬會當看著 ê 上細尺度（月球面頂 一粒 goo-lú-huh 球大細 ê <br />天區）攏有。這張新 ê 影像面頂 ê 兩條噴流，實際上是 一條噴流 ê 兩爿。這个 新發現 ê 噴流邊界光度加強現象，並無解決 噴流是按怎產生 ê <br />謎題。毋閣有暗示講，這个粒子噴流是去予較強 ê 壓力 kā 箍牢 ê，可能 kah 磁場 有關。EHT 是 全球 ê 電波望遠鏡組合，ùi 美國 Hawaii <br />加州理工學院 ê 次毫米波天文台、智利 ê ALMA 天文台、到 法國 ê NOEMA 天文台，等等。EHT 會繼續觀測大質量恆星、厝邊 烏 洞、kah in <br />ê 高能環境。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210804/ <br />影像：Radboud University; CSIRO/ATNF/I.Feain et al., R.Morganti et al., N.Junkes et <br />al.; ESO/WFI; MPIfR/ESO/APEX/A. Weiss et al.; NASA/CXC/CfA/R. Kraft et al.; <br />TANAMI/C. Mueller et al.; EHT/M. Janssen et al. <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210804.html <br /> <br/>Powered by <a href="https://firstory.me">Firstory Hosting</a></p>