212. 足光 ê 流星 kah 恆星滿滿 ê 夜空 ft. 阿錕 (20210819)

<p>這个足光 ê 英仙座流星，用一秒鐘 60 公里緊 ê 速度，ùi 地球大氣 犁過。伊 ê 軌跡，綴這个有足濟恆星 ê 銀河 leh 行。這个 ùi 正爿行到倒爿 <br />ê 流星，是 8 月 12 tī 葡萄牙夜空翕 ê。彩色軌跡是 ùi 天津四（天鵝座 α）開始，到牛郎星（天鹰座 α）煞。這兩粒攏是北方 ê 夏季大三角 ê <br />恆星。實際上，英仙座流星 tī 足短 ê 時間內底，變甲比地球暗暝上光 ê 兩粒恆星閣較光。這粒流星 ê 軌跡上開始是發青光，這是足光 ê 英仙座流星雨真四常 <br />ê 現象。Ùi 週期性彗星 Swift-Tuttle 留落來 ê 宇宙沙粒行足緊 ê，緊到有法度 tī 海拔 100 公里懸 ê 所在 kā <br />酸素原子激發，發出青色 ê 特徵發射線。紲落來 in to̍h 會 tī 白色閃光中蒸發。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210819/ <br />影像：Miguel Claro (TWAN, Dark Sky Alqueva) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210819.html <br /> <br/>Powered by <a href="https://firstory.me">Firstory Hosting</a></p>