ആൻ ഫ്രാങ്കിൻ്റെ ഡയറിക്കുറിപ്പുകൾ[malayalam]

രണ്ടാം ലോക മഹായുദ്ധകാലത്തെ ക്രൂരതകള്‍ ലോകത്തോട് വിളിച്ചു പറഞ്ഞ രേഖകളാണ് ആന്‍ ഫ്രാങ്കിന്റെ ഡയറിക്കുറിപ്പുകള്‍. ഹിറ്റ്‌ലറിന്റെയും നാസികളുടെയും ഭീകര മുഖങ്ങള്‍ ലോകത്തിന് മുന്നില്‍ വെളിവാക്കുന്നതില്‍ ഈ ഡയറിക്കുറിപ്പുകള്‍ക്ക് പങ്കുണ്ട്. 1944 ആഗസ്റ്റ് നാലിന് ആന്‍ഫ്രാങ്കിനെയും കുടുംബത്തെയും ഒളിവില്‍ പാര്‍ത്തിരുന്ന കെട്ടിടത്തില്‍ നിന്ന് നാസികള്‍ പിടിച്ചു കൊണ്ടുപോയി. 1945 മാര്‍ച്ചില്‍ ഒരു നാസി തടവറയില്‍ വെച്ച് ആന്‍ ഫ്രാങ്ക് മരണപ്പെട്ടു. മരണശേഷം കണ്ടെടുക്കപ്പെട്ട കുറിപ്പുകളാണ് പിന്നീട് ചരിത്രമായത്.